Kelir Bening; Antologi Geguritan Antropologis

"Antologi geguritan kang kakemot ing antologi iki pancen mirunggan. Lire, ora mung geguritan kaya biasane. Pangripta menehi tetenger geguritan antropologis. Tegese, geguritan kang kapacak mujudake karya kang isine babagan kamanungsa. Geguritan kasebut ngemot maneka warna uripe manungsa, kang dikrasi kayadene etnografi. Merga etnografi iku cirine antropologi. Geguritan antropologis, uga bisa kasebut geguritan etnografis. Geguritan mau nggambarake bot repoting urip, thekliwering urip, lan gandane maneka rasa etnisitas.
Geguritan antropologis bakal nggelar karya-karya kang dijumput seka pengalamane pengarang nalika lelungan. Malah kadhangkala, geguritan antropologis mau uga ngemot sawetara karya asile wawan rembug. Mula seka iku, cakrike geguritan kadhang ngganda narasi, kisah, lan crita kang blender-blender kruwel bet. Ilining gagasan lumuntur kaya iline banyu kali, kebak kekembangan manca warna. Amrih ngerti seger sumyahe, mangga diwaca kaya ngapa oglengane gurita antropologis iki.
"